Медведев седми пат во кариерата елиминиран на стартот на Ролан Гарос

Поранешниот светски рекет број еден, а во моментов осморангиран на АТП листата, Данил Медведев, веќе на стартот го заврши настапот на вториот грен – слем турнир оваа сезона, откако попладнево во воведното коло на Ролан Гарос загуби од Адам Волтон од Австралија во пет сетови.

Во дуелот против Волтон (АТП-97), кој настапува на Ролан Гарос во вајлд-карта, Медведев два пати го израмнуваше водството на противникот, но беше немоќен во решавачкиот петти сет (6-2, 1-6, 6-1, 1-6, 6-4) и седми пат прертре рана елиминација во својот десетти настап на грен – слемот во Париз.

Рускиот тенисер до својата прва победа во кариерата на Ролан Гарос дојде дури во петтиот настап, кога во 2021 година дојде и до четвртфиналето, но во последните четири години повторно покажа дека земјената подлога му е најмалку омилена.

Минатиот месец, Медведев претрпе и понижувачки пораз од 6-0, 6-0 на Мастерс турнирот на земјена подлога во Монте Карло кога загуби без освоен гем од Италијанецот Матео Беретини.