Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027

Изградбата на автопатските делници од Коридорот 8 во западниот дел на земјата се интензивира во изминатите две и пол години, а целокупниот патен правец треба да биде завршен до 2029 година - најави премиерот Христијан Мицкоски денеска на промоцијата на интегрираниот граничен систем „One Stop Shop“ на граничниот премин Ќафасан.
Одговарајќи на новинарско прашање за напредокот на изградбата на автопатите и патната инфраструктура во западниот дел од државата, Мицкоски посочи дека делниците Тетово–Гостивар и Гостивар–Букојчани напредуваат согласно предвидената динамика.
Тој информираше дека е започната и изградбата на делницата Букојчани–Кичево, која треба да ги поврзе новите автопатски делници со автопатот Кичево–Охрид, со што ќе се заокружи патното поврзување од Тетово до Охрид.
Во однос на продолжувањето на автопатот кон граничниот премин Ќафасан, Мицкоски посочи дека кај местото Требеништа е оставена клучка за продолжување на трасата, но дека за овој дел ќе треба да се разгледа алтернативно техничко решение.
Причината, како што објасни премиерот, е тоа што станува збор за подрачје кое е предмет на УНЕСКО, а согласно последниот извештај ќе треба да се бара решение што ќе ги земе предвид овие ограничувања.
Мицкоски најави дека автопатот Кичево–Охрид треба да биде пуштен во употреба до крајот на квартал во втората квартал од следната година, додека целокупниот патен правец од Тетово до Охрид треба да биде завршен до 2029 година.
МИА
Ново на Сител
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
-

Србија доби еден од најобразованите парламенти во светот – пратеничките клупи ги пополнија доктори на науки, лекари и професори
-

Малезија ќе пресели десет илјади бегалци Рохинџи во Турција
