Мицкоски по Самитот: Се бориме да вратиме што беше продадено

По Самитот во рамки на Берлинскиот процес, Мицкоски изјави дека европските лидери испратиле силни пораки за потребата од брза интеграција на Западен Балкан во ЕУ.

Мицкоски повторно во изјава по Самитот ја обвини претходната влада на СДСМ и ДУИ дека прифатила штетни услови во преговарачката рамка, нагласувајќи дека актуелната власт нема да отстапи ниту од заштитата на националните интереси ниту од стратешката определба за членство во ЕУ.

Премиерот се осврна на глобалните безбедносни и економски предизвици оценувајќи дека светот практично живее во атмосфера на тивка трета светска војна.