Миланов: Контролата на безбедноста на храната е на АХВ, но одговорноста за небезбедна храна е на операторите

Директорот на Агенцијата за храна и ветеринарство, Оливер Миланов, во емисијата „Бизнис21“ на ТВ21 изјави дека иако АХВ е одговорна за спроведување на контролите на безбедноста на храната, конечната одговорност за небезбедната храна лежи на операторите.

„Ние како Агенција имаме обврска да извршуваме редовни контроли и да обезбедиме безбедност на храната која се пласира на пазарот, но операторите, како субјекти кои ја нудат храната, носат целосна одговорност за тоа што нудат на потрошувачите“- истакна Миланов.

Тој додаде дека АХВ ќе продолжи со засилени контроли и санкции за сите оние кои ќе ја загрозат безбедноста на храната и јавното здравје.