Му се скршил ножот, па убиството на својата мајка го довршил со ножици – доживотен затвор за Петар Станковски

Основниот суд во Гевгелија му изрече доживотна казна затвор на Петар Станковски (40) од Богданци за убиството на неговата мајка, а трагичниот настан се случил на 11 јануари годинава во стан во Богданци каде што мајката и синот живееле како потстанари.

Осомничениот, на 11 јануари, при вршење семејно насилство, на свиреп начин ја лишил од живот сопствената мајка. Во станот во Богданци каде што живееле под закуп, мајката и синот започнале расправија околу лекувањето на осомничениот. Во еден момент тој зел нож од кујната со кој и нанел повеќе убоди на мајката во главата и вратот. Бидејќи ножот се скршил, зел ножици и со нив продолжил да и задава убоди, па откако и тие се свиткале од кујната зел друг нож за сечење зеленчук со шилест дел со кој ја прободел во вратот. Од бројните убоди жената искрварела и починала, информираа тогаш од ОЈО.

Станковски беше обвинет за кривично дело „убиство на свиреп начин при семејно насилство“, а пресудата е донесена откако тој ја признал вината пред судот.

Од Основниот суд Гевгелија информираа првостепената пресуда е донесена откако обвинетиот ја признал вината пред судот, а тој останува во притвор до правосилноста на пресудата.