Над милијарда евра вратени по истраги за злоупотреба во инвестициски фондови во Турција

Околу 40,4 милијарди турски лири (1,03 милијарди евра) се вратени од 75 лица во Турција како дел од истрагите за злоупотреби во работењето со инвестициски фондови на пазарите на капитал, јавија турски медиуми.
Повикувајќи се на изјава на министерот за правда Акин Гурлек, медиумите наведуваат дека истрагите што ги води обвинителството во Истанбул продолжуваат да се прошируваат врз основа на откриени нови докази.
Според министерот, вкупно 498 осомничени лица се моментално под истрага.
Од нив, 129 лица се во притвор, додека 289 се под судска контрола.
Потрагата по 54 осомничени со налози за апсење е во тек, а за уште 22 притворени лица се во тек процедурални и истражни дејствија.
За да се спречи прикривање на средства наводно стекнати преку криминални активности, се изречени заплени и конфискации на имотот на 417 физички лица и 149 правни лица.
Гурлек прецизираше дека износот од над милијарда евра е собран преку доброволно враќање и конфискација, но нагласи дека доброволното враќање на средствата само по себе не ослободува од кривична и правна одговорност.
МИА
Ново на Сител
-

„Енвидија“ нема да го врати Џенсен Хуанг на функцијата извршен директор
-

Откупот и продажбата на земјоделски производи во третото тримесечје намалени за 8,8 проценти
-

Над милијарда евра вратени по истраги за злоупотреба во инвестициски фондови во Турција
-

Шасивари на конференција во Манила: Насилството врз децата бара одговор што ги надминува државните граници
-

Путин изјави дека очекува „голема корист“ од претстојната трилатерална средба со Трамп и Шји Џјинпинг
-

Собранието на Србија продолжува со работа, ќе се бира претседател на Парламентот
-

Трамп: Најголемиот трговски договор со Филипините досега, ја прошируваме одбранбената соработка
-

Променливо облачно време со повремени локални врнежи од дожд
