Најмногу правници во техничка Влада, жените застапени со 20 отсто

20 членови, а само четири жени. Ова е родовиот состав на новиот владин тим кој има технички карактер. И во иднина со министерствата за одбрана, култура, животна средна и добро управување ќе раководат жени.. Во министерството за труд и социјала, Јованка Тренчевска ќе ја замени Ѓоко Велковски. Во владата влегува како дипломиран економист, а диплома од економските науки поседува и неговиот колега Јетон Шаќири кој ќе продолжи да го раководи министертството за образование.  Во својата биографија која ја испратил до пратениците напишал дека успешно реализирал низа проекти и реформи во образованието..

Најголем дел од министрите завршиле право. Дури шестмина поседуваат дипломи од правен факултет, иако дел од нив ги надоградиле со магистратури.. Во владата има и двајца лекари, Меџити го води ресорот здравство, а Османи е задолжен за надоврешната дипломатија.

Според биографиите на министрите, сите  пријавиле дека го знаат англискиот јазик.. Дел од нив напишале дека знаат уште француски, германски, италијански..  Министерот за економија отскокнува пред своите колеги од владата. Освен Албански и Македонски, знае хрватски, српски, англиски и германски..

Дел од министрите ги пријавиле и своите посебни вештини. Издале книги, а имале и познавање од посебни комјутерски програми. Новиот министер за внатрешни како социјални вештини пријавил подготвеност за тимска работа и упорност. Првиот човек на правда пак напишал дека поседува и дозвола за управување камион.

Различните познавања на 19те министри ќе треба да ги канализира техничкиот премиер. Џафери во својата биографија напишал дека политичката кариера ја започнал во 2002 та, а една година претходно се приклучил на ослободиталена народна армија.