Неопходно е да се подигне свеста кај граѓаните за заштита на природата

Неконтролираната урбанизација, несоодветното управување со отпадот, загадувањето на водените ресурси, уништувањето на шумите и трската oстануваат само дел од еколошките предизвици со кои се соочува земјава.

Од македонското еколошко друштво посочуваат дека алармот одамна е вклучен и мора нешто да се преземе за да се заштити најважниот еко систем во државата.

И охридско -струшкиот регион е пред сериозен ризик од деградација, што директно го загрозува и статусот на заштитено светско природно и културно наследство под УНЕСКО.

Добрите познавачи велат дека неопходно е  да се подигне свеста и разбирањето за сложените еколошки прашања со што ќе се зајакне улогата на граѓаните и организациите во зачувувањето на животната средина.