Нетанјаху: Израел нема намера трајно да го окупира Појасот Газа

Израелскиот премиер Бенјамин Нетанјаху во интервју за американската телевизиска мрежа Фокс њуз изјави дека Израел планира да ја преземе контролата врз Појасот Газа, но не трајно.

„Не сакаме да ја задржиме (Газа за себе). Сакаме да имаме безбедносен периметар, но не сакаме да ја управуваме. Сакаме да ја предадеме на арапските сили“, објасни израелскиот премиер.

Интервјуто е дадено во пресрет на претстојниот состанок на Израелскиот совет за безбедност, кој ќе се состане вечерва за да разговара за потенцијалните планови за окупација на Појасот Газа.

Началникот на Генералштабот на Израелските одбранбени сили (ИДФ), Ејал Замир, истакна дека војската не се согласува со окупацијата на територијата и вети дека ќе ја брани оваа позиција на состанокот.

МИА