СП Карате: Македонија патува по трофеи во Мадрид

Македонската карате репрезентација од 6-ти до 11-ти ноември ќе учествува на СП во Мадрид, Шпанија на кое се очекува повеќе од 1000 натпреварувачи од 140 земји.

                Нашата експедиција ќе ја преставуваат 16 каратисти кои ќе се обидат да донесат нови трофеи и да ја продолжат традицијата  на каратетот како најуспешен спорт.

                На прес конференцијата во Агенцијата за Млади и Спорт, директорот Дарко Каевски најави ново поглавје во каратетото и изрази оптимизам пред мундијалскиот  настап.

                „Успесите кои ги донесоа претходната генерација каратисти и актуелните, денеска одиме со ново поглавје. АМС секогаш е појдовна и завршна точка на нашите спортисти. Нашите каратисти редовно се враќаат со медали од големите натпреварување, верувам дека оваа генерација ќе ја продолжи традицијата и повторно ќе освои многу медали. Им посакувам успех и среќа на нашите спортисти“, кажа Каевски.

                Берат Јакупи истакна дека ги знае добро противниците бидејќи со сите се борел оваа година и негов императив е финалето.

                Емил Павлов кој е актуелен европски првак  посака медал и нова радост  за македонската спортска јавност.