Можно е Ковид-19 да го оштетува нервниот систем
Британските научници денеска во списанието „Мозок“ (Brain) објавија студија за компликациите забележани кај повеќе од 40 пациети заболени од Ковид-19 во Велика Британија, што варира од запаление на мозокот и делириум до оштетување на нервите и мозочен удар,
Тие тврдат дека во некои случаи неуролошките проблеми биле прв и главен симптом ма новиот коронавирус.
Авторите на студијата открија и пораст на акутниот демијалинизарички енецефаломијелитис (АДЕМ), болест опасна по живот, по првиот бран од пандемијата што ја зафати Велика Британија. Пред пандемијата, во рок од еден месец беше забележан еден таков случај, додека во април и мај, на неделно ниво беа регистрирани два до три заболени од АДЕМ.
Студијата покажува дека запаление на централниот нервен систем имале 12 пациенти заразени со Ковид-19, болести на мозокот со делириум или психози имале десетмина, додека осум лица имале мозочен удар, а ист број пациенти имаче проблеми со периферниот нервен систем, воглавно Гилен-Бареов синдром, автоимуна болест што ги напаѓа нервите и предизвикува парализа, а во пет отсто од случаите предизвикува и смрт.
Мајк Занди, лидер на тимот што го спроведе истражувањето, тврди дека начинот на кој новиот коронавирус го напаѓа мозокот не е забележан претходно кај другите вируси.
Тој изрази загриженост бидејќи новиот коронавирус може да доведе до помало оштетување на мозокот кај помал дел од популацијата, што би било видливо во следните години.
Ковид-19 кај некои оздравени пациенти остави долгорочни последици, како што е задишување, замор, вкочанетост на мускулите, слабост и проблеми со помнењето.
Ново на Сител
-
Косовскиот парламент не успеа да се конституира ниту по 45-ти пат
-
Куманово објави оглас за работно ангажирање на 30 пожарникари
-
ЦУК: Активни четири пожари на отворен простор, шест локализирани и два под контрола
-
29 надгробни плочи и споменици оштетени во рок од два дена на гробиштата во Ѓорче Петров
-
Кривична за наставничка од беровско која нападнала ученик
-
50-годишен маж пронајден со прострелни рани во Батинци, починал пред прием во болница
-
Лишен од слобода крадец во Куманово
-
Мицкоски: Нашата цел е да ја направиме Македонија земја на можности каде трудот се исплатува