Можат ли измените за етничката припадност во личните документи да го поделат владеачкото мнозинство

Левица ќе ги блокира законските измени на владејачката БЕСА за тоа во личните докумнети да се вметне и етничка определба покрај тоа што ќе стои државјанството македонско/државјанин на Северна Македонија.

Против решението застанува и Демократски сојуз иако е во коалицијата на СДСМ и БЕСА. Во писмена изјава пратеникот Павле Трајанов вели дека вметнувањето на етничка припадност во лични документи е против граѓанскиот концепт на државата.

„Овој податок што ќе се внесува во личната карта ќе значи и можност за пребројување по етничка припадност и по тој основ ќе има можност за поделби, затворање во етнички гета, нарушување на еднаквоста пред законите и институциите, расправии, нетрпеливост, омраза, па дури и физички пресметки“, вели во изјавата Трајанов.

Од БЕСА велат дека решението не е на ничија штета.

Коалициската СДСМ стои зад законското решението.

Од опозициската ВМРО-ДПМНЕ засега без став за овие законски измени.