У-18: Порази на македонските кадетски селекции

Јуниорската селекција  на Македонија во возбудлив натпревар загуби од Израел со  79-70 на првиот меч на Европското првенство што се одржува во Турција.

По добрата игра во првата четвртина која ја добивме  со 18-15 следуваше голем пад во следните  десет минути на натпреварот па  противникот успеа да дојде до пресврт и да доминира во продолжението од мечот. 

Израелците по завршувањето на првото полувреме имаа 6 поени предност  (42-36), и до крајот не дозволија да дојде  до промена на резултатот.

Во овој пораз  најдобар беше Тео Симиќ со 25 поени и 12 скокови.

Во втората рунда Македонија ќе игра со фаворитот  Франција која стартуваше со убедлива победа против  Велика Британија со 97-45.

Јуниорките пак настапуваат на ЕП од Б- дивизијата во Бугарија и на стартот загубија убедливо со 94-27 од селекцијата на Португалија.