Во Скопје започна ЕП за одбојкарки до 19 години, вечерва (20:30 ч,) Македонија – Финска

Од денеска до 4 септември во Скопје ќе се одржува ЕП за одбојкарки до 19 години. 12-те репрезентации учеснички на Европскиот шампионат се поделени во две групи . 

 

Младите македонски одбојкарки своите натпревар ќе ги играат во СЦ „Борис Трајковски“. 

 

Прв противнички вечерва од 20 часот и 30 минути ќе им бидат врсничките од Финска. Во истиот термин, редоследно во наредните денови репрезентацијата на Македонија ќе игра и против: Словенија, Грција, Италија и Полска. 

 

Во групата во „Јане Сандански“ играат: Србија, Швајцарија, Турција, Холандија, Хрватска и Романија. 

 

Двете првопласирани селекции од групите ќе обезбедат пласман  во полуфиналето, додека трето и четврто пласираните ќе разигруваат за пласман од 5 до 8 место, а преостанатите две репрезентации ќе завршат натпреварите уште по групната фаза.