Почна имунизацијата против сезонски грип во Штип

Започна процесот на имунизација против сезонски грип во штипскиот Центар за јавно здравје. Бесплатни вакцини има за лица над 65 години, хронично болни, здравствени работници, бремени жени и деца на возраст од 6 месеци до 5 години.

• Граѓаните се обавестени. Треба да се пријавуваат на сајтот вајкцинација.мк, каде што се впишуваат податоците, добиваат смс порака, на која што имаат определно време во колку часот да дојдат на вакцинација-изјави Марија Димитрова, директорка на ЦЈЗ-Штип.

Покрај бесплатни, се аплицираат и комерцијални вакцини, кои чинат 800 денари. Димитрова вели дека има доволно, 250 дози и се во согласност со интересот на граѓаните во текот на изминатите години.

• Вакцинацијата е многу важна. Вакцинацијата против сезонски грип се одвива долго време, докажана е ефикасноста на вакцината. Заштитата од грипот е со висок процент, така што секој што спаѓа во критичните групи и оние што сакаат да се вакцинираат да бидат заштитени- додаде Димитрова

Министерството за здравство испрати допис до матичните лекари да им излезат во пресрет на заинтересираните граѓани за да се пријават во системот за вакцинација.