Спасовски : Од исклучителна важност е унапредување на кој било од сегментите на кризно реагирање и укажување прва помош

Министерот за внатрешни работи Оливер Спасовски денеска се обрати на промоцијата на развојната рамка на Црвениот крст на Република Северна Македонија „Трансформација 28”, на панел дискусијата на тема „Модалитети и можности за обезбедување на поефикасен одговор при итни состојби”.

Одговарајќи на прашање за важноста од соработката на МВР со граѓанскиот сектор во унапредување на безбедноста и сигурноста на граѓаните, преку активности како што се првата помош, безбедноста во сообраќајот, крводарителството, дисеминација на хуманитарно право и подготвеност и дејствување при итни состојби, Спасовски рече дека од исклучителна важност е унапредување на кој било од сегментите на кризно реагирање и укажување на прва помош.

- Од аспект на работењето на Министерството за внатрешни работи, од исклучителна важност е унапредување на кој било од сегментите на кризно реагирање и укажување на прва помош, сегменти во кои што полицијата, по природата на своето работење и по основ на законските надлежности за постапување, честопати знае да се најде и во ситуација партнерски и синхронизирано да делува, вклучително и со организација како што е Црвениот крст.  Впрочем тоа се точките што беа назначени во вашето прашање – пружањето на прва помош, безбедноста во сообраќајот, потоа крводарителството, или пак заедничката соработка во делот на миграциите односно спроведувањето на меѓународното хуманитарно право и слично. Сите овие погоре споменати  елементи во својата основа имаат првенствено превентивен карактер – што бездруго е од огромно значење бидејќи со самото тоа се превенираат и последиците, рече министерот Спасовски.