Серија протести за повисоки плати во здравството, ги организира независниот синдикат

Повисоки плати, трансформација на времените вработувања и нов колективен договор. Со вакви барања, Независниот синдикат на здравствените работници излегува на протест. Незадоволството, во петок, ќе го изразат пред здравстевните установи, една недела подоцна, ќе протестираат пред Министерството за здравство, а на втори декември, одат пред владата. Велат, за квалитетно здравство, најпрво треба да се задоволни вработените во секторот.

Протестите на Независниот, нема да ја добијат поддршката од останатите синдикати во здравството, бидејќи за нив доволно било претходното покачување на платите. Барањето за 30 отсто повисока плата, двапати го испраќале до Министерството за финансии, ама одговор од Бесими немало. И порачаа на владата да не ги користи за предизборен маркетинг.

Во независниот синдикат, имаат  и конкретен предлог како државата да обезбеди повеќе пари за здравството.

Од министерството за здравство, веќе, иформираа дека нема пари за нови покачувања на платите, бидејќи годинава двапати биле зголемени, а вработените ќе добиеле и регрес за годишен одмор.