Судски го добил извештајот на Оценската мисија - ќе го коментирале на седница

Извештајот на Оценската мисија на ЕУ пристигна во Судски. Од советот велат го виделе документот, ама ќе го коментирале на седница. Виновник за сегашните состојби, гледаат кај претходните членови на судски.

„Од ова што го видовме, размислуваме да закажеме седница за детално разгледување на извештајот. Видливо е дека станува збор за стари, наталожени проблеми со кои еве сега се соочуваме“

Евромбасадорот Гир кој вчера објави дека мисијата изработила 40 препораки за подобрување на состојбите во советот, денеска потенцираше дека без нивна примена проблемите во Судски, дополнително ќе се продлабочуваат.

Нивната имплементација треба да биде спроведена во добра воља со целосно почитување на интегритетот отчетноста. Накратко кажано, правните промени се важни, но тие не се доволни.

На сомнежи за корупција и политички влијанија посочија и самите судии кои кажаа дека немаат доверба во советот, па не ги изненадуваат критиките за судски. Сметаат дека некои членови, не треба да се во тоа судско тело.

Од Вратата влегуваат луѓе во тој совет, а тој кадар шро влегува таму можеби има потенцијални пиромани. Ние треба да се заштитиме од такви луѓе. Овој принцип не фунционира. Кај нас само се владее со правото а не постои владеење на правото.

Според експертската јавност, за решавање на дел од проблемите не се потребни препораки. Доволно било членовите на судски да ги применуваат законите.

Забораваме дека основната цел на во основа не е обезбедување и заштита на самостојноста на судството, туку да ги обезбедува и заштитува политичките интереси и на одредени центри на моќ. Слупнавме за такви влијанија но од судски не слушнавме ништо подетално.

Невладините пак денеска обавија дека годинава била една од полошите за македонското судство.. По Разрешувањето и оставките, советот на сомнителен начин бирал и судии за во Апелација.