ССМ остана без седиште, Врховен одлучи дека сопственик е државата

Зградата која над половина век е симбол на синдикалното движење добива нов сопственик. Наместо ССМ, нејзин стопан во иднина ќе биде државата. Битката за сопственот на 13 катницата ја почнало Државното правобранителсто. Три годишниот судски спор со Сојузот на синдикати, го финиширал Врховниот суд.. Во пресудата напишал дека изградбата на објектот во 1958, ја финансирала тогашната Народна Република Македонија, па сега, сопственик треба е денешната држава.

„Правниот претходник на ССМ бил општествено политичка организација, која не обавувала стопанска дејност, поради што немала и не можела да има сопствени приходи за стекнување на имот. Одборот за стопанство донел решение за изградба на Работничкиот дом со сума од 427.968.146 динари (половина милијарда динари), па со сигурност може да се изведе заклучок дека објектот е изграден и стекнат со средства на Република Северна Македонија како правен следбеник на тогашната НР Македонија“, се вели во пресудата на Врховен суд.

Одлуката на Врховен за ССМ е неприфатлива. Зградата во центарот на Скопје вредна 8 милиони американски долари била градена со пари на работниците.. Одземањето на зградата го сметаат за притисок врз синдикатот. Објектот го преживеа земјотресот од 63-та, ќе го преживее и потресот од Врховен, велат од ССМ.

„Нападот на ССМ е напад на секој еден работник во државата. Обезглавувањето на ССМ или стапнувањето со чизма на вратот на лидерот на борбата на работниците нема да дозволиме да биде стапнување на функционерска чизма во Работничкиот дом. Нема да дозволиме Работничкиот дом кој постои повеќе од 70 години да стане функционерски или судски дом. Ќе се бориме против сите тие кои сакаат да земат од устата на работниците. Тоа што ние го правиме нема да запреме да го правиме. Не можете да дисциплинирате синдикати, можете само да ги разгневните“, вели Слободан Трендафилов, Претседател на ССМ.

Пресудата на највисокиот суд, според ССМ е доказ за корумпираност и потврда за ниската доверба во судството меѓу граѓаните.. Бараат оставки од судиите кои потпишале одземање на зградата.. Се сомневаат дека прсти вмешала и претседателката на Врховен.

„Симптоматично е тоа што претседателот на Врховниот суд бил вклучен во постапката од 2005 година додека извршувал функција заменик-јавен правобранител и сакал да го земе имотот на работниците – Работничкиот дом, а денеска кога е претседател на Врховниот суд да се преиначат сите постапки со кои тој бил неуспешен и на таков начин да ја одземе зградата од позиција на моќ“, појаснува Трендафилов.

Ковачевски кој го има последниот работен ден како премиер, денеска застана во одбрана на ССМ.

Од Државното правобранителство не откриваат за што ќе служи зградата во иднина и дали ССМ ќе треба да го напушти објектот. Ја немале добиено пресудата, па немале ниту информации  за конкретниот спор.

Врховен негираше влијание на претседателската на судот.. Не учествувала при одлучувањето бидејќи немала надлежност да се меша во работата на судиите кои ја пишувале пресудата за одземање на зградата на ССМ.