Хакерски напад можеше да ја остави државата без струја, се бара заштита на информатичките системи

Инженерската заедница е загрижена за честите сајбер напади на информатички системи во државна сопственост. Велат, последниот случај кога хакирани беа серверите на електропеносниот систем МЕПСО, го вклучил црвениот аларм, бидејќи како што објаснуваат од здружението на инженери, постела опасност цела држава да остане без струја.

Дека земјава е често мета на хакерите, доказ бил нападот кој пред една година целосно ја онеспособи инфомратичката мрежа на Фондот за здравствено осигурување. Како еден од најсериозните, инженерската заедница го смета ударот врз официјалната интернет страница на Државната изборна комија пред четири години, а нападот спречи електронско броење на изборните резултати.

Заради честите напади и претстојниот изборен процес, здружението на инженери денеска со писмо испратено до претседателот на државата, министерствоо за информатичко општество и јавното обивнителство, бара потврда за информатичката безбедност во државните институции. Прашуваат дали се надоградуваат мерките за безбедност и дали се заштитени податоците на граѓаните. Сметаат дека евентуален нов хакерски напад, може да го наруши изборниот процес.