Батлер кариерата ќе ја продолжи во Голден Стејт

Најдобриот играч на Мајами хит ќе ги напушти „жешките“ и кариерата ќе ја продолжи во Голден Стејт вориорс.

Според НБА-инсајдерот Шамс Чаранија, Мајами го финализира договорот за трансфер на нивниот напаѓач.

Во замена, Хит ќе ги добие Ендрју Вигинс (од Голден Стејт) и Пи Џеј Такер (од Јута), како и пик од топ-10 од првата рунда на драфтот во 2025 година.

Трета страна во зделката ќе биде Детроит, кој ќе ги добие договорите на Линди Вотерс (од Голден Стејт) и Џош Ричардсон (од Мајами).

Јута ќе го добие Денис Шредер (од Голден Стејт).