Европски Куп на ЕХФ: Алкалоид го совлада Рунар во првиот полуфинален натпревар

Ракометниот клуб Алкалоид на домашен терен го победи РК Рунар Сандефјорд со 42:37 во првиот полуфинален натпревар од Европскиот Куп на ЕХФ.

На тој начин избраниците на Кирил Лазаров со солидна предност од пет гола ќе патуваат во Норвешка во обид да изборат место во финалето на ова европско натпреварување.

Најдобар стрелец кај Алкалоид на овој дуел беше Мартин Серафимов со десет гола, а го следеше Иван Џонов со седум гола.

Реваншот меѓу РК Рунар Сандефјорд и РК Алкалоид се игра на 27 април.