Охрид домаќин на финалниот турнир во ракометниот Куп на Македонија

Ракометната федерација на Македонија (РФМ) денеска официјално го потврди Охрид како домаќин на завршниот турнир од ракометниот Куп на Македонија.

Финалниот турнир е закажан за 31 мај и 1 јуни, а Охрид по пауза од две години повторно ќе биде домаќин на завршницата во Купот.

Во конкуренција за трофејот се бранителот на титулата Алкалоид, Вардар 1961, Еурофарм Пелистер и домаќинот Охрид.

Првично, завршницата беше планирана за овој викенд, но поради настапот на Алкалоид во финалето од ЕХФ Европскиот куп, РФМ направи измени во календарот и ја помести завршницата во Купот за крајот на мај.