Кандидатите за Скопје и Чаир со ветувања за јавен транспорт, хигиена и спортски објекти

Од визии за европски град, до решение за сообраќајниот хаос - кандидатите за градоначалничка позиција во Скопје со свој план како да го направат главниот град поубав. По примерот на Љубљана , кандидатот на ВМРО ДПМНЕ Орце Ѓориевски ќе го обновува јавниот превоз во Скопје. Експертски тимови од Словенија ќе помагаат во наоѓање решение за јавниот транспорт.

Јавната чистота и градскиот превоз – врвен приоритет за иднината на Скопје. Овие денови со дел од мојот тим престојуваме во Љубљана, град кој е пример за ред, чистота и функционалност...ја имав честа да го посетам и претпријатието за јавен превоз, како и современата фабрика за комунален отпад...Од средбата со менаџерскиот тим на претпријатието за јавен превоз добивме многу искуства и знаења, а тие се подготвени да испратат експертски тимови кои ќе помогнат во решавањето на еден од најгорливите проблеми во нашиот град, јавниот транспорт, стои во објавата на Ѓорѓиевски. 

Решавањето на сообраќајниот хаос во фокус и на програмата на кандидатката на СДСМ за град Скопје. Ако ја добие довербата на скопјани, Каја Шукова најави реализацијата на проектот БРТ до средината на 2028-ма кој ќе обезбеди нова модерна мрежа на урбаниот транспорт во Скопје.

Во трката за обезбедување на гласот на чаирчани противкандидатите Османи и Меџити со обвинувања и за состојбата во општината , но и обидите за дискредитација. Османи вети целосен ремонт на системот на хигиената и најави дека ова ќе биле историски избори во Чаир. Но и се пожали дека владата била премногу агресивна кон него , по изјавите на премиерот дека генерации нема да му простат за она што го направи со Бугарија.  

Меџити на средба со спортисти вети изградба на нова сала со места за 3000 гледачи за чаирчани и реконструкција на старите,  реконструкција на игралишта. Повторно го обвини Османи дека е вклучен во криминални зделки за повеќе случаи, а доказ според него се ревизорските извештаи за организацијата на самитот на ОБСЕ..

Иако кампањата официјално стартува за точно еден месец, кандидатите преку интензивни средби со граѓани веќе се обидуваат да ја добијат довербата на гласачите.