36 икони чекаат да се вратат во македонските цркви

36 вредни икони украдени од македонските цркви чекаат да се вратат од Албанија. Стручните лица очекуваат идентификацијата на вредното културно наследство да продолжи бидејќи од стотината кои беа однесени само 20 се вратени пред нешто повеќе од година дена, но моментално депоата во Берат и Корча се недостапни.

Иконите кои се откриени од властите од Албанија се дислоцирани на неколку локалитети.

Постапката за враќање на украдените икони почна во 2013 година. Во периодот од 2009 до 2013 година имаше силен бран на насилно влегување во црквите, особено во Западна и Југозападна Македонија, при што се однесоа стотици икони.