Миленкоски задоволен од стартот на македонските одбојкари во Европската лига

Селекторот на македонската машка одбојкарска репрезентација Јошко Миленкоски истакна денеска дека е задоволен од прикажаната игра на воведниот турнир од Европската лига што изминатиот викенд се одржа во Струмица.
Макеоднските одбојкари на стартот претрпеа пораз од фаворитот Холандија со 3-0, а во вториот натпревар извојуваа победа од 3-1 над Луксембург и ја остварија целта која претходно им беше поставена.
„Македонија во дуелот со Холандија имаше светли моменти и понуди сериозен отпор. Гледано од наша перспектива, ние игравме подобро со Холандија отколку против Луксембург иако драстично ослабени со неиграњето на еден од столбовите на нашата игра Александар Љафтов. Бевме близу и до освојување на еден сет, што во овој моменти би било еден максимален резултат. Против Луксембург ја оправдавме улогата на фаворити и ги освоивме првите бодови. Со самото тоа ја остваривме првично зацртаната цел и можеме да бидеме задоволни“, изјави Миленкоски за официјалниот сајт на Одбојкарската федерација на Македонија (ОФМ).
Макеоднските репрезентативци денеска имаат слободен ден, додека утре продолжуваат со тренинзи во СЦ „Борис Трајковски“ пред да отпатуваат за Атина, каде претстојниот викенд ги очекуваат новите предизвици во Евролигата.
„Следниот викенд го играме вториот турнир во Атина против репрезентациите на Грција и Исланд. Повторно и тука имаме еден фаворит, тоа е домаќинот на турнирот и една репрезентација како Исланд со која имаме фаворитска улога и императив за победа“, додаде Миленкоски .
МИА
Ново на Сител
-

Тошковски: Придобивките од „One Stop“ веќе се видливи, на Табановце се чека околу 30 минути
-

Поранешниот потпретседател за респираторни истражувања во Фајзер: Ковид вакцините се токсични
-

Мицкоски: Коридорот 8 ќе биде завршен до 2029 година, автопатот Кичево–Охрид до втора половина на 2027
-

УХМР: Дожд во вечерните часови и во текот на утрешниот ден, следува заладување
-

Специјалците спасија тешко повреден алпинист кај Демир Капија
-

Сиљановска-Давкова за Денот на албанската азбука: Единството нема да ги негира, туку ќе ги респектира различностите
-

Мицкоски: „One Stop Shop“ системот ќе го олесни транспортот и ќе ги доближи Македонија и Албанија
-

Руските загуби во Украина се неодржливи, се приближуваат до размери од Втората светска војна
