Двајца Косовари со „голф“ во Скопје превезувале 230.000 фалсификувани евра | ВИДЕО

Двајца косовски државјани се лишени од слобода во Скопје поради сомнение за фалсификување пари, соопшти МВР.

На 3 август 2026 година, полициски службеници од Единицата за интервентна полиција при СВР Скопје ги лишиле од слобода Ф.Р. (30) и Т.Т. (44), двајцата државјани на Косово.

При извршен преглед на возило „голф“, во кое се превезувале лицата, биле пронајдени пари во различни валути и апоени – евра, американски долари, швајцарски франци и британски фунти, со вкупна вредност од околу 230.000 евра.

Парите биле одземени, а двајцата приведени биле спроведени во Полициската станица Центар за понатамошна постапка.

Од МВР информираат дека по целосното документирање на случајот, во координација со јавен обвинител, ќе биде поднесен соодветен поднесок за кривичното дело „фалсификување пари“ по член 268 од Кривичниот законик.