Пожарникарите од Крива Паланка спасија куче кое паднало во бунар длабок седум метри

Хумана и успешна спасувачка акција спроведоа пожарникарите од Територијалната противпожарна единица Крива Паланка, откако добиле дојава за куче кое паднало во бунар во селото Конопница.

На местото веднаш пристигнале двајца пожарникари со едно противпожарно возило, кои започнале акција за извлекување на животното.

Кучето било паднато во необезбеден бунар длабок околу седум метри. Благодарение на интервенцијата на пожарникарите, тоа било успешно извлечено од бунарот.

„Секој живот е вреден! Животот нема цена!“, порачаа од ТППЕ Крива Паланка по успешната акција.