Заврши петтото издание на „Wine Vision by Open Balkan“: Белград три дена во знакот на виното, ракијата и гастрономијата

Повеќе од 550 изложувачи од над 30 земји ги претставија своите вина, дестилати и гастрономски производи на Белградскиот саем. Се одржаа деловни средби и меѓународни оценувања кои ги поврзаа производителите, стручњаците и публиката од Србија, регионот и од светот.

Белград, 12 октомври 2026 година – Заврши петтото издание на „Wine Vision by Open Balkan“, меѓународниот саем за вино, храна, ракија и туризам, кој од 10 до 12 октомври се одржа на Белградскиот саем. Под слоганот „Едно место. Цел свет“, саемот ги собра производителите, дистрибутерите, професионалните купувачи, стручњаците и посетителите од Србија, регионот и бројни земји.

На саемот се претставија повеќе од 550 изложувачи од над 30 земји. „Wine Vision by Open Balkan“ и оваа година ја потврди својата улога како значајна регионална платформа за поврзување на производителите на вино и жестоки алкохолни пијалаци со меѓународните пазари. Саемот организираше учество на повеќе од 3.000 професионалци од трговијата и угостителството, меѓу кои 275 професионални купувачи од 48 земји, а во текот на манифестацијата се одржаа неколку илјади B2B-средби, како во посебно организираната B2B-зона, така и на изложбените штандови.

Во организацијата на петтото издание на „Wine Vision by Open Balkan“ учествуваа повеќе од 50 сомелиери, кои се грижеа за професионалната реализација на натпреварувањето, мастер-класовите и за сите активности зад сцената, со поддршка од бројни продукциски тимови. Само во текот на оценувањето на натпреварувањето Open Balkan Wine Trophy, низ нивните раце поминаа повеќе од 3.500 шишиња вино.

Наградени вина од регионот

На „Open Balkan Wine Trophy“ беа пријавени повеќе од 800 примероци, а трофеите беа доделени во девет категории. За квалитетот на вината одлучуваше жири составено од 25 стручњаци од различни земји, меѓу кои шестмина носители на титулата „Master of Wine“ и еден „Master Sommelier“.

Меѓу добитниците на националните трофеи се „Kantina Fani“ од Албанија, семејната винарија „Пешков“ од Северна Македонија и „Đurđevića Legat“ од Србија. Трофеите во категориите според стилот и сортата ги освоија винариите „Aleksić“, „Zvonko Bogdan“, „La Gora“, „Jović“, „Arianiti“, „Tarpoš“, „Chateau Kamnik“, „Bikicki“ и „Kosović“.

Со жирито претседаваше Керолајн Гилби MW, меѓународна експертка за вината од Балканот, Централна и Југоисточна Европа. Меѓу членовите на жирито беа Род Смит MW, претседател на Институтот „Masters of Wine“, Петар Мозер, поранешен уредник на австриското списание „Falstaff“, и Бет Вилард, една од копретседавчите на натпреварувањето „Decanter World Wine Awards“.

Ракии од Србија и регионот

На „Rakija Trophy“ учествуваа повеќе од 60 производители од Србија и регионот, со околу 130 примероци. Меѓународното жири од 15 членови работеше во три панели, а го сочинуваа седум меѓународни и осум домашни оценувачи.

Трофеите ги освоија дестилериите „Kamnik“, „Zarić“, „Cherry Hill“, „Hubert“, „Emperus“ и „RB Global“, како и винарската визба и лозовите насади „Botunjac“.

Директорот на „Spirits Selection by Concours Mondial de Bruxelles“, Улрих Нице, го истакна зголемениот меѓународен интерес за ракијата и напредокот на домашните производители. Александар Јањиќ, директор на Сојузот на производители на ракија, оцени дека квалитетот, искуството и посветеноста на производителите се клучни за посилно позиционирање на ракијата на меѓународниот пазар.

Food Vision: гастрономија и туризам

„Food Vision“, гастрономскиот сегмент на саемот, ги претстави производителите на храна, рестораните, хотелите и професионалците од угостителството.

Натпреварувањето за млади готвачи и кулинарски тимови, „Open Balkan Culinary Challenge“, изложбениот сегмент посветен на прехранбената индустрија и професионалната угостителска опрема, предводен од долгогодишниот гастрономски партнер на манифестацијата, компанијата „METRO Cash & Carry“, беше проследен со бројни мастер-класови, кулинарски демонстрации, како и со ревијалната програма од хуманитарен карактер Гастро-театар.

Во текот на манифестацијата „Food Vision 2026“, Белград беше домаќин на јужноевропското полуфинале на „Global Chefs Challenge“.

Во програмата учествуваа меѓународни гости, меѓу кои и шведскиот готвач Џими Ериксон, добитник на специјалната награда „Bocuse d’Or“ за 2023 година, и Дарен Лју, главен готвач и сопственик на лондонскиот ресторан „Nanyang Blossom“.

Стручна програма и меѓународни средби

Стручната програма опфати 17 мастер-класови посветени на виното и ракијата, со 22 предавачи од 14 земји. Опфатот на темите беше од долговечноста на лозјата и ферментацијата до автохтоните сорти, винските региони и промените на глобалниот и локалниот пазар. Меѓу предавачите беа Џејмс Саклинг, Марко Симонит, Керолајн Гилби MW, Род Смит MW и други меѓународни стручњаци.

Мастерклас Програмата собра повеќе од 800 љубители на виното и професионалци, а придружната гастрономска програма вклучи девет мастер-класови, кои ги проследија околу 2.000 посетители.

Во текот на трите интензивни саемски денови беа дегустирани безброј вина и ракии, беа претставени гастрономски специјалитети, воспоставени нови деловни партнерства и потпишани бројни договори. Петтото издание на „Wine Vision by Open Balkan“ уште еднаш ја потврди важноста на саемот како место за средби на винската, дестилерската и гастрономската сцена, размена на знаења и развој на меѓународната соработка.

Петтото издание на „Wine Vision by Open Balkan“ се одржа под слоганот „Едно место. Цел свет“. Организаторите им се заблагодарија на изложувачите, купувачите, стручњаците, партнерите, медиумите и посетителите кои учествуваа на овогодинешната манифестација.

Следниот саем „Wine Vision 2027“ ќе се одржи од 9 до 11 октомври 2027 година.

Комерцијален текст.