Министерството за јавна администрација со нова рамка за организација на работата на органите на државната управа

Министерството за јавна администрација подготвува нова рамка за организација и работа на органите на државната управа.

На јавна дискусија за Нацрт-законот, министерот Горан Минчев порача дека треба да се стави крај на преклопувањето на надлежностите, непотребните административни бариери и институционалните структури создадени под влијание на дневнополитички договори.

Законот предвидува појасни надлежности и одговорности, како и периодичен преглед на функционирањето на самостојните органи.

Нацрт-текстот е објавен на ЕНЕР, каде што во следните 30 дена ќе може да се доставуваат забелешки и предлози.