Повеќе од половина судови се неажурни

Повеќе од половина од македонските судови не успеваат да го совладаат приливот на предмети.

Според годишниот извештај на Судскиот Совет за 2025-та, 18 од вкупно 34 судови се неажурни, а нерешени останале над 134.000 предмети.

Пополнети се само 65% од судиските места и 36% од работните места во судската администрација.

Министерството за финансии три пати ги одбило барањата за нови вработувања.

Лани биле разрешени двајца судии, а тројца добиле дисциплински мерки.

Од 425 претставки на граѓани и правни лица Судскиот совет оценил дека само 13 се основани.