Неуспешно лансирање: Ракетата „Вулкан“ откажа и уништи 40 сателити на „Амазон“

Ракетата „Вулкан“ (Vulcan) на компанијата „Јунајтед лонч алајанс“ (United Launch Alliance – УЛА) којашто е заеднички влог на „Боинг“ и „Локхид Мартин“ – доживеа неуспех кратко по лансирањето од американскиот „Вселенско-лансирачки комплекс 41“ (Space Launch Complex 41) на Флорида вчера. Како резултат на тоа, беа уништени 40 сателити на интернет-мрежата на „Амазон“ во Ниската орбита околу Земјата.
Ракетата откажа скоро 10 минути по полетувањето, а причината засега е непозната.
„Врз основа на податоците добиени од нашиот директор за лансирање, можеме да потврдиме дека ракетата „Вулкан“, лансирана од ’Комплексот за вселенски лансирања 41‘, наиде на аномалија десет минути по полетувањето, што ја оневозможи испораката на сателитите на „Амазон“ во орбитата“, објави „УЛА“.
Ова е прв неуспешен лет во историјата на компанијата.
„Секој лет обезбедува нови податоци и учиме нешто ново од секоја мисија. Бидејќи инцидентот се случи многу неодамна, сè уште немаме конкретни податоци за да утврдиме што точно се случи денеска“, соопшти „Амазон“.
Сѐ ова претставува сериозен удар за новата водечка ракета на компанијата „УЛА“ – инаку основана пред две десетлетија, којашто имаше за цел да воспостави редовен распоред на лансирања за растечката сателитска интернет-мрежа на високотехнолошката компанија.
МИА
Ново на Сител
-

АНБ разоткри терористичка мрежа: Се подготвувал атентат во Грција по инструкции од Иран
-

Костадиновски: Почитувањето на Уставот е чин на највисок патриотизам и љубов кон татковината
-

МВР: Од 15 ноември до 15 март задолжително е поседувањето на зимска опрема во возилата
-

Се урна српски воен авион МиГ-29, загина пилотот | ВИДЕО
-

Предложен притвор за семејно насилство во Битола
-

Најстудено утрово во Берово, најтопло во Охрид и Велес
-

Корабоски доби 30-дневен притвор по проширување на обвинението
-

Николоски од Виена: ЕУ да изнајде решенија за проблемот со превозниците и со извозот на зелената енергија од регионот
