Koшта: Проширувањето на ЕУ служи за зајакнување на Европа, како отпорна економска сила и сила за мир

Претседателот на Европскиот совет, Антонио Кошта, порача дека проширувањето на Европската Унија е од стратешко значење за иднината на Европа, бидејќи придонесува за поголема безбедност, економска отпорност и зајакнување на нејзината геополитичка позиција во светот.
Говорејќи на Форумот за проширување на ЕУ во Брисел, Кошта истакна дека во услови на глобална неизвесност, кредибилната политика на проширување претставува важна инвестиција во мирот, стабилноста и просперитетот на европскиот континент.
– Проширувањето ја прави Европа побезбедна, поконкурентна и поотпорна. Тоа им дава надеж на луѓето и отвора нови деловни можности – порача Кошта, пренесе „Ројтерс“.
Тој нагласи дека проширувањето отсекогаш имало клучна улога во надминувањето на историските поделби и градењето заедничка европска иднина, потсетувајќи дека Европската Унија е создадена врз принципите на помирување и мир.
Според него, пристапувањето на нови членки не е само во интерес на Унијата, туку претставува и исполнување на стремежите на милиони Европејци кои се определиле за демократија, слобода и соработка.
Кошта упати порака дека напорите на земјите кандидатки, вклучително и спроведувањето на тешките реформи, заслужуваат солидарност и конкретна политичка поддршка од земјите членки.
Тој потенцираше дека процесот на пристапување мора да остане праведен, доследен и заснован на заслуги, додека Европската Унија треба одговорно и со јасна амбиција да се подготвува за прием на нови членки.
– Проширувањето е најдобрата геополитичка инвестиција што Европа ја направила во корист на мирот, безбедноста, демократијата и просперитетот – порача претседателот на Европскиот совет.
МИА
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
