Брзите реакции на здравствените власти спречија епидемија

Нема  заразни заболувања во поплавените подрачја во скопско, тврди министерот за здравство. Според Тодоров драстично е намален и бројот на лица кои бараат лекарска помош во амбулантата сместена во училиштето во Стајковци. Ако првите денови имало и по 100 прегледи, викендот само 7 граѓани од овој регион побарале здравствена услуга.

- Имаме контрола над ситуацијата во подрачјата зафатени од поплавите во скопско и нема појава на епидемија иако ги имаше сите предуслови, тоа го предупредија и експертите и затоа одевме со брза дезинфекција и дератизација, изјави Никола Тодоров, минитер  за здравство.

Досега во подрачјата зафатени од катастрофалните поплави извршена е дезинфекција на 30 милиони метри квадратни, а опфатени се 4500 куќи.