Од 3 на 5: Нови две единки балкански рис забележани на Шар Планина | ВИДЕО

Нови две единки од редок балкански рис се регистрирани на територијата на Национален парк Шар Планина, соопштија од паркот. Животните биле забележани преку трап-камери при редовен мониторинг во делот кој административно припаѓа на Општина Врапчиште.

Со ова откритие, бројот на идентификувани единки на рис во овој регион се зголемува од три на пет, што претставува значаен напредок за заштитата на овој редок и загрозен вид.

Од паркот информираат дека двете нови единки се во добра здравствена состојба, што укажува на стабилизирање и постепено закрепнување на популацијата на Шар Планина.