Официјални лица по грешка испратија предупредување за евакуација на поширокиот округ на Лос Анџелес

Жителите на пошироката област на Лос Анџелес по грешка примиле предупредување за евакуација на своите телефони вчера доцна попладне по локално време.

Официјалните лица работеа брзо за да го поправат известувањето, кое ги предупредува жителите да бидат подготвени веднаш да ја напуштат својата област поради околните пожари.

Џенис Хан од Одборот на супервизори на округот Лос Анџелес напиша во објава на платформата Х дека многумина ги добиле предупредувањата „поради техничка грешка“ и дека „наскоро ќе биде објавена поправка“, јави Си-Ен-Ен.

 „Тоа требаше да биде за областите погодени од пожарот Кенет во Вудленд Хилс“, изјави Хан, мислејќи на пожарот во близина на границата меѓу Лос Анџелес и соседниот округ Вентура.

По извесно време жители на областа добија порака во која пишуваше: „Игнорирајте го најновото ПРЕДУПРЕДУВАЊЕ ЗА ЕВАКУАЦИЈА“.

Во новата порака беше наведено дека известувањето е наменето само за оние во близина на Кенет Фајр. Неколку пожари се активни низ областа Лос Анџелес, во кои досега загинаа најмалку 10 луѓе.