Организаторот на натпревар во лежење во Црна Гора порачува: Пратете некој од македонските политичари

Најневообичаениот натпревар на Балканот а и пошироко се одржува во Црна Гора. Имено станува збор за натпреварот во лежење кој секоја година има се поголема популарност. 

Оваа година се одржа 12-то издание каде беше поставен и нов рекорд. Имено девојката победик, Лидија Марковиќ успеа да издржи дури 50 дена лежејќи и со тоа го доби приматот победник и апсолутен рекордер, поправајќи го рекордот кој до оваа година беше 117 часа.

Организаторот Мичо Благојевиќ, преку Етно село Монтенегро вели дека натпреварот во лежење е еден шеговит начин на прикажување на митот за мрзливи Црногорци.

Натпреварот стекна голема популарност уште од самите почетоци, а оваа година имаше и рекорден интерес како од регионалните така и од светските медиуми. 

Организаторот ги повикува и македонските граѓани а особено политичарите кои наместо да одмараат во Собрание, ќе може истото да го прават на натпреварување во Црна Гора.

Победничката од оваа година и рекордерка Лидија Марковиќ, најави учество и следната година каде ќе се обиде да го подобри рекордот.

Кирил Стојанов