Отворена новата сезона во Македонската кугларска лига

Со одигрување на натпреварите од првото коло, викендот започна новото првенство од Македонската кугларска лига.

Уште на стартот се одиграа два дерби натпревара помеѓу Вардар и Макпетрол, како и ГТЦ и Пелистер.

Победи Макпетрол со поените на Сашо Трпковски,   Младен Донковски, Дарко Марковиќ (интернационалец), Игор Беличански и Младен Донковски. Кај Вардар 2014, поени освоија Коста Манев кој беше и играч на натпреварот и најдобар куглар во првото коло и Милош Миливојевиќ (интернационалец).

На второто дерби, поените за ГТЦ ги зедоа Менсур Ајдин, Александар, Блажевски и Игор Коцев додека кај Пелистерци, поени освоија Цане Колев, кој воедно беше и играч на овој натпревар, Цане Поповски и Влатко Трајчевски.

Резултати:
Вардар А – Макептрол А 2:6
Вардар Б – Пелистер Пин 7:1
ГТЦ Мусандра – Пелистер А 5:3
Мусандра жени – Макетрол Б 1:7.