Ова е камионот на Мерцедес на кој не му треба возач

Еден чекот сме поблизу до камион на кој не му треба возач. Mercedes стартуваше со првите тестирања на полуавтономниот систем Highway Pilot, користејќи камион од сериско производство на јавен пат.

Подобрениот Mercedes-Benz Actros почна со тестови на германските автопатишта, а во камионот и понатаму има возач, за секој случај, но возилото управува самото користејќи радар, стерео камери и систем за автоматизирано возење.

Првите резултати покажуваат дека таквиот спој на технологија може да функционира на речиси секое возило во светот, не само на футуристички концепти.

Сепак нема во блиска иднина да видиме вакви камиони како крстосуваат по патиштата. Mercedes морал да извади дозвола за тестирањето, а се уште не постојат законски одредби кои ќе ги регулираат автономните возила.

Од друга страна позитивните резултати даваат надеж дека во иднина ќе се појават барем некакви форми на автономно возење кои ќе добијат зелено светло.