Пентагон потпиша договор вреден речиси 23 милијарди долари за забрзано производство на Томахавк

Пентагон денеска објави дека потпишал договор вреден нешто помалку од 23 милијарди долари за забрзување на производството на ракети „Томахавк“.

Министерството за одбрана на САД изјави дека е потпишан договор вреден точно 22,9 милијарди долари со „Рејтеон“ за забрзување на производството на крстосувачки ракети „Томахавк“ за американската морнарица.

Големата нарачка доаѓа во време кога Вашингтон се стреми брзо да го зголеми својот производствен капацитет за критична муниција, поради намалувањето на залихите на ракети и софистицирана муниција што се користи во голем дел во конфликтот со Иран.

Според Центарот за стратешки и меѓународни студии (CSIS), ракетата „Томахавк“ чини околу 2,6 милиони долари.

Тинк-тенкот процени дека американската морнарица поседувала околу 3.100 пред конфликтот со Иран и дека оттогаш се користени повеќе од 1.000.

Украинскиот претседател Володимир Зеленски во март изјави дека побарал од Вашингтон да испорача од 100 до 200 ракети „Томахавк“ во октомври 2025 година.

МИА