Почина проф. д-р Катерина Мирчевска

Македонската научна јавност остана без истакнат историчар и долгогодишен научен работник. По кратко боледување, денес почина проф. д-р Катерина Мирчевска, соопшти Институтот за национална историја. Таа имаше 54 години.

Од Институтот изразија длабока жалост, нагласувајќи дека Мирчевска беше долгогодишен научен советник, посветен истражувач и врвен професионалец.

Во соопштението се истакнува дека нејзиниот богат научен опус, професионалниот интегритет и искрената посветеност кон историската наука ќе останат трајно сведоштво за нејзиниот придонес во развојот на научната мисла во Македонија.Колегите ќе ја паметат како исклучителен научник, професионалец и човек со голема посветеност кон науката и образованието, а нејзиното дело ќе остане трајно сведоштво за нејзиниот придонес во проучувањето и зачувувањето на македонската историска меморија.