Поевтинуваат бензините, дизелот и мазутот

Од полноќ малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) се намалуваат за 0,50 денари за литар. Поевтинува и мазутот за 0,848 денари, а цената на екстра лесното масло за домаќинство не се менува.

Како што соопшти Регулаторната комисија за енергетика (РКЕ), ЕУРОСУПЕР БС 95 ќе чини 70 денари за литар, ЕУРОСУПЕР БС - 98 72 денара, дизел горивото 64,50 , а мазутот 32,801 денар за килограм.

Цената на екстра лесното масло 1 (ЕЛ-1) останува 64 денари за литар.

Со ваквата Одлука на РКЕ се врши намалување на малопродажните цени на нафтените деривати во просек за 0,94 отсто во однос на одлуката од 29.12.2025 година. 

МИА