Последна контрола за пред заминувањето за Ерменија
Младинската кошаркарска репрезентација на Македонија денес ќе ја има последната контрола пред настапот на ЕП дивизија Б во Ерменија. Противник на младинската репрезентација (играчи до 20 години) ќе биде јуниорската селекција на Македонија, која пак се подготвува за настап на Европското првенство А дивизија за играчи до 18 години.
Избраниците на селекторот Горан Самарџиев досега во делот од подготовките одиграа два контролни натпревара со содветната селекција на Косово.
-Со оглед на тоа дека за неколку дена заминуваме за Ерменија, оваа проверка ќе ни биде добредојдена. За мојот колега Андреевски од јуниорскиот тим, ова ќе биде првата проверка, додека за нас, многу веројатно, последна во периодот на подготовките – изјави селекторот Самарџиев.
Македонија на ЕП Дивизија Б во Ереван, Ерменија ќе настапи во групата Ц, а во првата фаза противници ни се: Холандија (11.јули); Австрија (12.јули); Грузија (13.јули); Швајцарија (15.јули) и Данска (16.јули).
Натпреварот меѓу младинската репрезентација и јуниорската репрезентација на Македонија се игра денес во 17 часот во СРЦ „Кале“.
Ново на Сител
-
Земјотрес почувствуван во Македонија
-
Франција, Белгија и Нов Зеланд се подготвуваат денеска да ја признаат Палестина
-
Нетанјаху: Палестинска држава нема да има западно од Јордан
-
Марко Ѓуриќ: Изјавата на босанскиот министер за одбрана не придонесува за стабилност во регионот
-
Наутро свежо, преку ден топло
-
МВР: Полициски службеници спасија повредено лице на Шар Планина | ВИДЕО
-
Трамп, Венс и 100 илјади луѓе ќе присуствуваат на комеморацијата за Чарли Кирк
-
ЦУК: Спасувачка акција на повредено лице над Горно Јеловце