Пожарот во близина на Атина ставен под контрола, на Родос сѐ уште е активен
Уште една ноќ, пожарникарите во Грција се бореа со огнените јазици и успеаа да го стават под контрола пожарот што од понеделникот се ширеше во западниот дел на областа Атика, поширокиот регион на Атина, иако постојат повремени разгорувања, додека пак оној на островот Родос, што е во непрооден планински дел, сѐ е уште активен, јави дописничката на МИА од Атина.
Во пожарот во областа Мегара во близина на Атина предизвикана е материјална штета на домови, која дополнително ќе се проценува, огнените јазици се под контрола, но сепак и рано утрово се интервенира со воздушни средства поради постојани разгорувања.
На островот Родос од вторникот гори густа шума во непрооден дел во центарот на островот, гаснењето е од воздух и копно, а според локалните власти веќе изгореле 3.000 хектари.
Министерот за климатски кризи и цивилна заштита на Грција Василис Кикиљас преку социјалните мрежи соопшти дека во областа Месинија на Пелопонез вчера бил уапсен 30-годишен маж, кој признал дека подметнал три пожари, два во претходните денови и еден лани.
Паралелно во Грција денеска и утре пристигнува и меѓународна помош, пожарникари од Романија, Словачка и Полска и два авиони од Израел.
Ново на Сител
-
Мицкоски: Во 21 век на талибански начин се избришаа македонскиот јазик и идентитет од извештајот на ЕК
-
Африм Фидани ја превзема функцијата претседател на Врховниот суд
-
Втор ден комисиска расправа за ребалансот на Буџетот
-
120 нови дигитални услуги
-
Нов бран превентивни мерки на полицијата
-
Зголемен интерес кај струмичките земјоделци за владините мерки за поддршка
-
Преглед на вестите од светот
-
СДСМ обелодени нови кандидати за градоначалници во 10 општини