Пратениците молчаливи, дел од нив ретко се во пленарната сала

Молчаливи се пратениците во македонското собрание. Ова го покажува последниот шестмесечен извештај на собраниската публикација, „Мојот пратеник“. Во периодот јули декември, дури 41 народен избраник само седеле во пленарната сала и ги слушале колегите пратеници.

Повеќемесечниот молк, вчера го прекина пратеникот и лидер на ДУИ. На говорницата застана наменски, да го поздрави изборот на како што рече првиот премиер Aлбанец. Во изминатите шест месеци, уста не отворил ниту некогашниот истакнат лидер на албанската политичка сцена, Мендух Тачи. Заедно со пратениците Села и Гаши се единствените чиј глас не се слуша ниту на комисии или други собраниски совети.

Најголема активност на седниците имале шестмина пратеници, прв на листата е Здравко Стојанов, а зад него е Бојан Стојановски. Останатите имале помалку од 10 говори.

Евиденцијата покажала дека нешто помалку од половина од собранискиот состав може да се пофалат со редовно присуство на седниците. Ниту една седница во втората половина на минатата година не пропуштиле Пренџов и Јовановиќ.. Ним друштво им правел и собранискиот спикер. Рекордер во недоаѓање на седници е Изет Меџити кој ја напушти ДУИ и формираше своја партија. Тој Само еднаш седнал во пленарната сала од јули до декември. Ретко доаѓал и Кастриот Реџепи кој неколкупати беше клучен во фомрирање на парламентарното мнозинство и пребегуваше од една во друга партија и како независен пратеник.