ПРАВДА ЗА ЛЕЈЛА

Извонредна адаптација на успешната приказна која насолзи милиони очи и ги освои рејтинг листите ширум светот. Приказната за младата Лејла, со чија судбина ќе сочувствуваме и чија борба за правда ќе ја следиме со големо внимание.

Таа беше девојче со смеа и желби како сите други. Но, растена без мајка и во безгрижна средина заедно со својот татко. Сè до моментот кога нејзиниот татко ќе почине, а злобната маќеа ќе ја исфрли на ѓубриште, сама и без кров над главата. За Лејла, траумите од детството нема да може да се заборават така лесно, а животот под ведрото небо ќе ѝ создаде рани кои тешко ќе се излечат.

Години подоцна, оваа девојка е решена да се одмазди на маќеата и да ѝ наплати за украденото детство. Под името Ела, таа се вработува како готвачка во богатата вила на Нур, која е сега мажена со бившата фудбалска ѕвезда Туфо и го имаат посвоено синот Џиван. Џиван е всушност Џино, најдобриот пријател на Лејла од детството со кој животот повторно ја спојува. Станувајќи дел од нивниот свет и дел од нивната куќа, Лејла започнува внимателно подготвен план за одмазда, решена конечно да ја натера Нур да плати за сè што ѝ направила.

Додека Лејла се наоѓа меѓу желбата за одмазда и повторно разбудените чувства кон Џиван, на површина излегуваат мрачните семејни тајни кои се закануваат да променат сè. Низ мрежа од лаги, тајни и скриени интереси, нејзината борба станува симбол на отпорот, но истовремено го поставува и прашањето: до каде сме подготвени да одиме за да го вратиме она што ни било одземено? Доаѓа време за оваа девојка да ги земе работите во свои раце. Време за одмазда и правда без милост, каде секој погрешен чекор се заканува дека ќе го открие нејзиниот идентитет и да го оживее минатото.