Преглед на вестите од светот

Рускиот претседател Владимир Путин, во разговорите со својот ирански колега Масуд Пезешкијан, во Туркменбаши одржани вчера изјави дека Русија е подготвена да преземе сите мерки за да помогне во завршувањето на конфликтот во Иран. Пезешкијан го информираше Путин дека неговата земја и САД разгледуваат нови предлози за завршување на конфликтот.

„Дадовме некои предлози, Американците дадоа нови предлози. Направивме некои измени во овие (нови) предлози. Откако ќе се финализира овој процес постои план со кој ќе се сретнеме преку посредници, за да постигнеме договор, му рече Пезешкијан на рускиот претседател.

Во објава на социјалните медиуми, TRUTH SOCIAL, Американскиот претседател Доналд Трамп напиша:

„Водиме продуктивни разговори со Исламската Република Иран. Сакам да им ставам до знаење на сите дека, иако Иран е во многу лоша состојба, и економски и воено, и додека блокадата ќе остане во полна сила и ефект, со нафта што тече во рекорден број барели низ Ормутскиот теснец (22 милиони барели, само синоќа, без ниту едно барел што доаѓа од, ниту оди во, Иран!), ние нема да го напаѓаме Иран во кое било време пред среднорочните избори што ќе се одржат во САД на 3 ноември. ИРАН НЕМА ДА ИМА НУКЛЕАРНО ОРУЖЈЕ!

Иран сè уште го разгледува одговорот на Вашингтон на неговиот предлог според кој Ормутскиот теснец би можел да се отвори повторно во рок од седум дена и би можел да одговори во рок од неколку дена, изјави министерот за надворешни работи Абас Аракчи во четврток. Војната - и нејзината месечна цена од 3 милијарди долари - стана клучно прашање во предизборната кампања.

Владите и енергетските компании црпеа нафта од залихите за да го ублажат притисокот на глобалниот пазар на нафта кој се соочува со невидени прекини во снабдувањето оваа година, исто така предизвикани од војната во Украина.