Преглед на вестите од светот

Завршувањето на војната во Појасот Газа е „врвен приоритет“ на американскиот претседател Доналд Трамп, изјави портпаролката на Белата куќа, Каролин Ливит, на прес-конференција. неколку часа пред неговата средба со израелскиот премиер Бенјамин Нетанјаху во Вашингтон, трета во последните неколку месеци.

Пратеникот на САД за Блискиот Исток, Стив Виткоф, треба неделава да отпатува во Доха, каде што се водат индиректни разговори меѓу Израел и палестинското движење Хамас, изјави портпаролката на Белата куќа.

Израелскиот премиер Бенјамин Нетанјаху соопшти дека го номинирал американскиот претседател Доналд Трамп за Нобелова награда за мир, предавајќи му копија од писмото испратено до Нобеловиот комитет.

Бројот на жртви од ненадејните поплави во централен Тексас се искачи на 104, а десетици се уште се водат како исчезнати, додека напорите за пребарување и спасување продолжуваат. Бројката на деца кои ги загубија животите е 28. 

Кампот Мистик, 99-годишен летен христијански камп за девојчиња покрај реката Гвадалупе во округот Кер, жалеше за загубата на најмалку 27 камперки, како и советници откако обилните дождови доведоа до повеќекратни ненадејни поплави во централен Тексас.

Искоренети дрвја и остатоци сè уште беа расфрлани по реката Гвадалупе во понеделник по катастрофалните поплави за време на викендот на 4 јули во централен Тексас.

Туристите и патниците се соочија со доцнења и откажувања на летови на аеродромот во Будимпешта во понеделникот по привременото запирање. Пистите беа затворени бидејќи беа покриени со остатоци поради силна бура.

Привремено моравме да го прекинеме сообраќајот на аеродромот“, изјави портпаролката на аеродромот во Будимпешта, Каталин Валентини, за Ројтерс.

Аеродромот, исто така, соопшти дека водата влегла во покривот на салата за заминувања на терминалот 2А, која потоа била испразнета и сите процедури за пријавување биле префрлени на терминалот 2Б. Аеродромот соопшти дека нема штетите предизвикани од бурата.