Преглед на вестите од светот

Кина ја започна својата најголема воена парада досега со кревање на големо национално знаме и пеење на националната химна од илјадници луѓе. На раскошна парада по повод 80 години од победата над Јапонија за крајот од Втората светска војна, Кина ја покажа својата воена моќ. Кинескиот претседател Си Џинпинг и странските гости беа на плоштадот Тјенанмен во Пекинг. Кинескиот претседател ја оцени Втората светска војна како голема пресвртница во „големото подмладување на кинеската нација“, во која таа го надмина понижувањето од инвазијата на Јапонија и стана економска сила.

Придружен од рускиот претседател Владимир Путин и лидерот на Северна Кореја Ким Џонг Ун како почесни гости, Си предупреди дека светот се соочува со избор помеѓу мир или војна на почетокот на парадата. Повеќе од 50.000 гледачи на плоштадот Тјенанмен гледаа воздушни прикази, маршираа водови од трупите на Народноослободителната армија, како и најсовремена воена опрема како што се хиперсонични ракети, беспилотни летала и опремени тенкови.

Парадата траеше 70-минути полна со симболика и пропаганда, која кулминираше со пуштање на 80.000 гулаби за мир и шарени балони. Висококореографираниот спектакл „Денот на победата“ доаѓа во време кога ставот „Америка на прво место“ на американскиот претседател Доналд Трамп и трговските војни ги затегнаа долгогодишните сојузи на Вашингтон.

Јапонија се предаде на 2 септември 1945 година, а во 2014 година, Кина донесе закон со кој го прогласи 3 септември за Ден на победата во својата Војна на отпорот.

Земјотресот во Авганистан однесе околу 1.400 жртви и повреди 3.124, а повеќе од 5.400 куќи се уништени, според портпаролот на Талибанците. Според официјалните лица три села во Кунар се срамнети со земја. Обединетите нации предупредија дека бројот на жртви ќе се зголеми бидејќи жртвите остануваат заробени под урнатините.

Килауеа е еден од најактивните вулкани во светот и ова беше неговата 32-ра ерупција од декември. Вулканот се наоѓа околу 200 км јужно од најголемиот град во американската држава, Хонолулу, кој се наоѓа на островот Оаху.