Преглед на вестите од светот

Тајлер Робинсон, осомничениот за убиството на десничарскиот активист Чарли Кирк, ја презеде одговорноста за злосторството на платформата за пораки Дискорд потврди портпаролот на оваа компанија за Си-Би-ЕС Њуз.

22-годишниот Тајлер Робинсон им испратил пораки на пријателите во групен разговор неколку часа пред да биде уапсен минатата недела за пукањето во Кирк за време на настан на Универзитетот Јута Вали (UVU). 

„Тоа бев јас вчера. Жал ми е за сето ова“, се наведува во пораката од профилот за кој се тврди дека му припаѓа на Робинсон, што беше потврдено од портпаролот на компанијата и од полициски извор.

Израел,скиот воен персонал во вторник изјави дека Израелските одбранбени сили (ИДФ) ја започнале главната фаза од својата копнена офанзива во градот Газа и постепено ќе ги зголемуваат своите трупи за време на операциите, кои се очекува да траат неколку месеци.

Според проценките на ИДФ, во градот Газа има приближно 3.000 милитанти на Хамас. Израелскиот министер за одбрана Израел Кац изјави дека ако Хамас не ги ослободи заложниците и не се разоружа, Појасот Газа „ќе биде уништен“.

Се проценува дека над 350.000 Палестинци избегале од градот и се упатиле кон други делови од Појасот Газа во последните недели. Тој рече дека „во согласност со меѓународното право“, ИДФ „ја прилагодил хуманитарната помош“ за жителите на Газа кои го напуштаат градот Газа. Хамас, исто така, рече дека обвинувањата на израелската војска дека користи цивили како човечки штитови и дека ги спречува да го напуштат градот Газа се „чиста измама“.

Рускиот претседател Владимир Путин присуствуваше на полигонот Мулино во регионот Нижни Новгород за да ги набљудува заедничките руско-белоруски воени вежби „Запад 2025“.

Тој изјави дека маневрите имаат за цел да разработат елементи на одбраната на Сојузната држава Русија и Белорусија од било каква агресија. Вежбите се одржуваат на 41 полигон за обука, во кој учествуваат 100.000 војници и околу 10.000 системи и опрема за оружје.